كتب الشاعر الكبير #عبدالكريم_القصاب قصيدة للشهيد #صفاء_السراي يُرثيه بيها بعد استشهاده..

.

كلمات القصيدة :

******* أيقونة الحرية *******

................ لروح الفقيد صفاء السراي

................ شهيد انتفاضة تشرين

اِكَعدي وشوفي يا آم صافي ،

هذا آبنج بصفّج ، يشم كافورج ،

كَمر ما ينسمع حسّه .

اِجاج آمن الشمس ،

مُهره ضمير آبيض .

ملاك آترف آمن الهمسه .

اِجاج توضه من دجله .

عبر دخانهم نخله عراقيه ...

ونذر لترابها نفسه .

كَومي وهلهلي بوجهه ...

وآعلكَيله شمع عرسه .

مدّي آيدج على جرحه ...

وآمسحي بشيلتج دمه .

جف الوالده يطيّب ...

جرح آوليدها بلمسه .

اِجاج مصوّب آمحنّه .

اِجه برويحته الخضره وضحك سنّه .

اِجه فحطان ، هفّيله بعطر جنه .

تراها رويحته آمنعسه .

يا آم صافي ،

يا درة لبن زاجي ،

صفاء مراية الطيبين .

صفاء الما نسى آصحابه ولا ينسى .

وفي ، ميت وما ينسى .

عسل شفّاف روحه وآشتهاه الله .

والفناه ريّه وناي ،

وآظنّه غار من عدنا وخذاه الله .

.

*للعلم، صفاء سبق ان التقى بالشاعر وقرأ گدامه قصيدة "محطات" ، الي من كلمات صفاء

بامكانكم مشاهدة الفيديو من خلال IGTV صفحتنا، وراح نعيد نشرها بالستوري..

.

*وسبق إن نشر هالقصيدة الشهيد #عمر_سعدون بصفحته يرثي صفاء بيها،

والتحق بصفاء بعد ١٠ ايام من نشرها..