منشور لصفاء السراي

كتب #صفاء_السراي بتاريخ ١٣ اكتوبر ٢٠١٩ :

( احس بغداد قلقة ، مرتبكة ، حزينة وكئيبة بس مو خايفة

واحس الايام جاي تمر ثكيلة وما بيها روح

واحس كلشي هسه ما ممكن يخليني مبتسم غيرها ،

ترجع تلبس بدلتها ، ترجع عروستنا ، وحلوتنا ، نرجع نفرح ونبتسم )

.

هذا المنشور كتبه صفاء بفترة المهلة الي انطوها المتظاهرين للحكومة قبل عودة التظاهرات يوم ٢٥ اكتوبر

وبعد سقوط عدد مو قليل ابداً من الشهداء والجرحى نتيجة القمع الوحشي من الحكومة والاحزاب،

صفاء من كتبها، ومن حس بغداد هيج حزينة

ما جان يدري بيها حزينة عليه وعلى اخوته الشهداء لان تدري بالينتظرهم والي راح يصير...

تدري راح تخسر شباب أحلى من الورد

.

صار تقريباً ٥ اشهر بغداد حزينة وأحس شوارعها لابسة الاسود، وريحتها ريحة موت

بس البارحة، ولأول مرة من ٥ اشهر..

بغداد نزعت الاسود ولبست الأبيض،

ورجعت عروستنا وشفتوا الشعب كله شلون فرح وياها

.

ويمكن هاي بشارة على إن الجاي خير،

وصبرنا وتعبنا وثورتنا ما راح تروح هدر

والأهم، دم صفاء واخوته الشهداء ما يروح هدر

احنا ما ناسيكم، ولا راح ننسى

يشهد الله علينا وتشهد بغداد...

راح تعيشون ويانا بكل خطوة،

وراح نرسم مستقبل حلو بفضل دمكم الطاهر

بس كلكم ادعوا وگولوا يا الله..