#الشهيد علي عايد

من قضاء طويريج

مواليده ٢٠٠٢

امه تحبه من دون اخوته لانو هو ولد مطيع ويحب امه وابوه ويحب اخوانه

من اول ما بدت المظاهرات وهو يريد يروح وكل يووووم يلح عليهم اريد اروح واريد استشهد وكل يوم مسوي زعله ويه اهله لان ميخلوا يروح للتحرير لانو هو بأعتبار عنده دراسه وامه تخاف عليه هم وتحبه اكثر اخوانه لانو كان مطيع والناس تحبه كان مختلف تماما عن اخوانه وعن اولاد عمه..

ف امه متقبل يطلع للتحرير او للمظاهرات خوفآ عليه ...

والله العظيم بيوم الي التحق للتحرير كأنوا المنيه كبال عيونه علي ما عاد يعرف يحجي شي واخذته السكته وبس يصفن واهله يحجون وياه وهو ساكت مايحجي بس يسوي اروح للتحرير اريد اروح ادافع واريد اروح لأخواني(المتظاهرين)هناك حتى خاف احد يقتلهم خطيه اني ادافع عنهم وتصير الطلقه بيه ولا بيهم.. اني اريد اموت شهيد

خلوني اموت ومن راح للتحرير اخذ وياه هذا الشريط الي كاتب بي مااريد دوام اريد وطن تالي رجع الشريط وهو ما رجع ولا رح يرجع ابد💔

ادناه مجموعه من صوره وصور مقتنياته

#Rayan