ليش هيج احنه؟
اليوم مريت بجسر الاحرار
وساحة الخلاني والسنك مروراً بساحة الوثبة
وشفت ان الحياة راجعة طبيعية
اهل البسطيات مفتحين والسيارات تعبر ع الجسر
والناس تتسوك وعايشين طبيعي
اجت ابالي كل المشاهد الي عشتها بهاي الاماكن
جسر الاحرار والوثبة الي اكلن نص شبابنا
مجزرة السنك الاشتباكات بالخلاني
تذكرت الدكتور على جسر الاحرار من وصاني
على جنطة للعدة مالته ومن رحت جبتها ورجعت
لكيتة مستشهد
تذكرت الشباب الي ماتوا كدامي ايام الاحرار
والوثبة وكل الناس الي جانت تركض ومختنكة
وتذكرت مشاهد راح تبقة غصة بداخلي وما انساها
معقولة هاي الناس ما جانوا يشوفون الصور والفيديوات معقولة ما يعرفون ان هالاماكن لسة الدم بيها حار معقولة شافونا احنا مذنبين وسبب بقطع الطريق والقوات الامنية مشكورة لان فتحولهم الشوارع معقولة دمنا عدهم ارخص من الحاجة بربع الي يبيعوها ببسطياتهم.!
معقولة ذولة بشر مثلنا وراح تخلص الثورة ونرجع نختلط بيهم ونكدر نكمل حياتنا طبيعي.!
معقولة هيج يوصل الخذلان بينا؟
تخذل الي يطالب بحقك؟
ليش هيج احنه؟؟
ليش هيج احنه؟
Reviewed by
on
فبراير 22, 2020
Rating:
Reviewed by
on
فبراير 22, 2020
Rating:
ليست هناك تعليقات: